Ríkis­stjórn Kanada til­kynnti í dag að þau hygðust farga rúm­lega þrettán milljón skömmtum af bólu­efni AstraZene­ca gegn Co­vid-19. Ríkis­stjórnin segist hafa boðið bólu­setningar inn­lendis og er­lendis en enginn hafi tekið því. The Guar­dian greinir frá.

Árið 2020 skrifaði ríkis­stjórn Kanada undir samning við AstraZene­ca um að þau skyldu fá tuttugu milljón skammta af bólu­efninu. Rétt rúmar tvær milljónir þáðu bólu­efnið frá AstraZene­ca, flestir á tíma­bilinu mars árið 2021 til júní sama árs.

Vegna gruns um að bólu­efni AstraZene­ca væri valdur blóð­tappa færðist bólu­efna­notkun í Kanada að mestu leyti frá AstraZene­ca og til Pfizer og Moderna. Því er þessi fjöldi skammta af­gangs.

Þrátt fyrir mikla aukningu á Co­vid-19 smitum víða um heim vildi enginn taka við bólu­efninu. Ríkis­stjórn Kanada bauð öðrum ríkis­stjórnum að taka við skömmtunum en þær höfnuðu því allar.

Af þeim 38 milljónum sem búa í Kanada eru um 85 prósent full­bólu­settir. Um allan heim eru 61 prósent full­bólu­settir en í fá­tækustu ríkjum heims er sú tala einungis 16 prósent.