Íbúi í Reykjanesbæ byrjaði jólahreingerninguna heima hjá sér bókstaflega „með sprengju“. Íbúinn var að hreinsa til á háaloftinu heima hjá sér og fann gamlan sprengjuodd frá varnarliðinu.

Lögreglustjórinn á Suðurnesjum greinir frá því á Facebook-síðu sinni að íbúinn hafi um leið haft samband við lögregluna sem kallaði til sprengjudeildar Landhelgisgæslunnar.

Sprengjudeildin skoðaði sprengjuoddinn á vettvangi og fjarlægði hann en oddurinn reyndist vera óvirkur og hættulaus.

Lögreglustjórinn á Suðurnesjum beinir því til almennings að finni fólk slíka hluti skuli fara varlega um þá, því saga þeirra og virkni sé ekki þekkt. Ekki eigi að meðhöndla hlutina heldur hringja rakleiðis á lögreglu.

Færslu lögreglunnar er hægt að sjá hér að neðan.