Alls hafa 415 þátt­tak­endur skráð sig í inn­töku­próf í læknis­fræði og sjúkra­þjálfunar­fræði við Lækna­deild Há­skóla Ís­lands sem fer fram dagana 10. og 11. júní. Það eru 28 þátt­tak­endum færri en í fyrra en svipaður fjöldi og árið 2019. Þetta kemur fram í til­kynningu frá Há­skóla Ís­lands

Alls munu 333 þreyta inn­töku­próf í læknis­fræði og fækkar þeim um ellefu milli ára. Þá sækja 82 manns um inn­töku í sjúkra­þjálfunar­fræði eða sau­tján færri en í fyrra. Sama próf er lagt fyrir alla þátt­tak­endur og þeir sem standa sig best á prófinu eiga kost á að hefja nám.

Fjöldi þeirra sem hefur nám miðast við af­kasta­getu sjúkra­húsanna við verk­lega þjálfun nem­enda. Í læknis­fræði verða teknir inn 60 nem­endur og 35 nem­endur í sjúkra­þjálfunar­fræði.

Inn­töku­prófið fer fram í hús­næði Mennta­skólans við Hamra­hlíð. Það tekur tvo daga líkt og áður og saman­stendur af sex tveggja tíma próflotum. Grímu­skylda verður á próf­stað.