Banda­ríska móðirin Alice Bender hefur verið harð­lega gagn­rýnd í kjöl­far þess að hún birti mynd­bönd á TikTok þar sem hún sagðist meðal annars vera and­snúin því að setja börnum hátta­tíma og sagði barna­rúm í raun vera „barna­fangelsi.“

Bender á fimm mánaða gamlan son sem heitir Fern. Í mynd­böndum sínum, sem fengið hafa meira en 7,6 milljónir á­horf­a, út­skýrir hún meðal annars hvers vegna hún lætur son sinn ekki sofa í barna­rúmi með rimlum.

„Ef þið horfið á týpísk banda­rísk barna­her­bergi, takið þá eftir því hvernig það er hannað með hags­muni for­eldranna í huga, en ekki barnsins,“ segir hún meðal annars. „Listin er venju­lega hátt uppi þar sem börnin sjá hana ekki einu sinni.“

Herdís Storgaard, hjúkrunarfræðingur, sagði í samtali við Fréttablaðið í síðustu viku að stórhætta felist í því að börn sofi í rúmum fullorðinna. Svefnumhverfi barna sé háð tískusveiflum sem geti verið þvert á ráðleggingar um öryggi. Engin staðfesting sé til á því að svonefnd ungbarnahreiður veiti öryggi. Foreldrar geti óvart lagst yfir barnið.

Alice lætur son sinn sofa í venjulegu barnarúmi. Sérfræðingar segja slíkt stórhættulegt.
Mynd/Instagram

„Við kaupum bók­staf­lega þessi litlu barna­fangelsis­klefa svo við getum bara skilið börnin okkar eftir og labbað í burtu,“ segir bandaríska móðirin. „Ég er ekki með barna­rúm því ég mun aldrei neyða börnin mín til að hafa hátta­tíma,“ segir hún enn­fremur og heldur á­fram.

„Börn eru líka fólk og að neyða ein­hvern til að sofa þegar þau eru ekki þreytt er ó­mann­úð­legt. Í­myndið ykkur ef ást­mögur ykkar myndi læsa ykkur í hirslu sem þið gætuð ekki komist út úr og myndi segja ykkur að fara að sofa jafn­vel þó þið væruð ekki þreytt.“

Hún segir að slíkt væru mis­notkun, allir myndu yfir­gefa elsk­huga sinn í þeim soprum. „Börn eiga skilið yfirráðarétt yfir eigin líkama rétt eins og við og þetta á um svefn.“

Mynd­bandið þar sem hún út­skýrir mál sitt hefur verið deilt þúsundum sinnum á TikTok og Twitter. Þar skiptist fólk í tvær fylkingar, eru ýmist gáttaðir á Bender eða hrósa henni. „Þetta er skelfi­legt,“ skrifar ein kona um málið.

„Börn hafa ekki þroskað með sér átómatíska sjálfs­stjórn til þess að átta sig á því að þau séu þreytt. Full­orðnir þurfa að hjálpa börnunum að læra að sjá um sig með því að búa til að­stæður sem gerir þeim kleyft að sofa.“

Mynd/TikTok
Mynd/TikTok