Samiðn, hefur bent fjármála- og efnahagsráðuneytinu á mikilvægi þess að endurgreiðsla vegna þessarar vinnu verði útvíkkuð með þeim hætti að slíkar endurgreiðslur taki til viðgerða, málningar eða réttinga á öllum skráningarskyldum ökutækjum, samanber umferðarlög nr. 77/2019 og reglugerð nr. 751/2003, um skráningu ökutækja, með síðari breytingum. Samiðn bendir á að ekki verði séð að nein rök séu fyrir því að undanskilja önnur, skráningarskyld ökutæki frá umræddri endurgreiðslu á virðisaukaskatti, svo sem bif hjól, hjólhýsi, tjaldvagna eða dráttarvélar. Samiðn telur afar brýnt að umræddar breytingar verði gerðar hið fyrsta. „Það er mikilvægt að umrædd endurgreiðsla verði víkkuð út með þeim hætti að hún taki til allra skráningarskyldra ökutækja enda eru engin rök fyrir að undanskilja bif hjól, hjólhýsi, tjaldvagna eða önnur skráningarskyld ökutækja í þessu sambandi,“ segir Hilmar Harðarson, formaður Samiðnar.