Síðasta þætti Harmageddon verður útvarpað á X-inu 977 í dag frá klukkan 9 til hádegis. Þátturinn hefur verið á dagskrá útvarpsstöðvarinnar síðustu fjórtán ár, fyrst síðdegis en hefur verið á dagskrá fyrir hádegi síðustu ár.

Þáttastjórnendurnir Frosti Logason og Þorkell Máni Pétursson munu hverfa til annarra starfa.„Við höfum haft mjög gaman af þessu en allt tekur enda,“ segir Frosti.

„Okkur fannst við hæfi að slíta þessu eftir þessa kosningabaráttu og breyta aðeins til.“ Alþingiskosningarnar á morgun eru þær fimmtu frá því þátturinn hóf göngu sína.Þeir hafa báðir starfað á X-inu frá því fyrir aldamót.

„Þetta er stöð unga fólksins, við erum ekki að yngjast neitt. Það er ekki hægt að láta okkur verða að gömlum körlum þarna.“Í stað Harmageddon verður Tómas Steindórsson með þátt, einn til að byrja með. „Við Máni handvöldum hann sjálfir og höfum mikla trú á honum.“