Ellefu innan­lands­smit greindust á landinu í gær og eru því alls fimm­tíu virk smit á landinu, sem vitað er af. Þetta kemur fram í nýjum tölum sem birtust í dag á co­vid.is.

Þá eru 287 í sótt­kví á landinu og einn á sjúkra­húsi en hann var fluttur á Co­vid-göngu­deild Land­spítala í gær.

Tíu smit greindust hjá sýkla- og veiru­fræði­deild Land­spítala en eitt hjá Ís­lenskri erfða­greiningu.

Síðasta mið­viku­dag greindust tíu smit á landinu, eitt hjá Ís­lenskri erfða­greiningu en níu hjá sýkla- og veiru­fræði­deild. Sam­tals hafa því 21 nýtt smit greinst á landinu síðustu tvo sólar­hringa.

Þrír greindust við landamærin

Til við­bótar við innan­lands­smitin ellefu greindist einn með virkt smit í skimun við landa­mærin í gær. Annar greindist svo með gamalt smit og er beðið eftir mót­efna­mælingu hjá þeim þriðja.

Fréttin hefur verið uppfærð.