Innlent

Eldur í urðunar­stöð Sorpu í Álfs­nesi

Slökkviliðið á höfuðborgarsvæðinu vinnur nú að því að slökkva eld sem kviknaði í urðunarstöð Sorpu í Álfsnesi um helgina og blossaði aftur upp með meiri krafti í morgun.

Varðstjóri sagði að erfitt væri að slökkva eldinn vegna austanstrekkings. Eins og má sjá er enn mikill eldur.

Tals­verður eldur er í dekkjakurli í urðunar­stöð Sorpu í Álfs­nesi. Sam­kvæmt upp­lýsingum frá Slökkvi­liðinu á höfuð­borgar­svæðinu kviknaði eldurinn um helgina og gekk vel að ráða niður­lögum hans en svo í morgun blossaði hann aftur upp.

„Við fórum fyrst í þetta á laugar­daginn og náðum að kæfa eldinn niður en síðan hefur þetta verið að grassera undir og braust aftur út í morgun. Þá mjög mikið. Ein­hverjir hundruð fer­metrar af dekkjakurli. Eldurinn er mjög erfiður að eiga við og þarna er austan­strekkingur og mikið reykjar­kóf sem fylgir þessu,“ segir Stefán Kristins­son hjá Slökkvi­liðinu á höfuð­borgar­svæðinu í sam­tali við Frétta­blaðið í dag.

Mikinn reyk leggur frá eldinum sem Stefán segi að sé kol­svartur og „ó­geðs­legur“.

Hann segir að það komi oft eldar upp á svæðinu sem að starfs­fólk sé mjög dug­legt að slökkva í sjálft, en þegar þeir verði svo stórir þá komi slökkvi­liðið til að­stoðar.

Stefán segir að verkið mjakist. Það séu stór vinnu­tæki á svæðinu sem séu notuð til að moka yfir eldinn. „Við vonumst til þess að það virki. Ég býst við því að við verðum eitt­hvað þarna fram eftir morgni,“ segir Stefán að lokum.

Athugasemdir

Auglýsing
Auglýsing

Tengdar fréttir

Fangelsismál

Slagsmál á Litla-hrauni tilkynnt til lögreglu í dag

Innlent

Sekt fyrir að virða ekki lokanir við Hrafns­eyrar­heiði

Innlent

„Enginn skilinn eftir“ á alþjóðlega Downs-deginum

Auglýsing

Nýjast

Þriggja daga þjóðar­sorg: Allt að 200 látin

FBI tekur nú þátt í að rannsaka Boeing 737 MAX

Brexit mögulega frestað til 30. júní

Efling kallar eftir því að bílstjórar standi saman óháð félagi

Sögð tengjast rann­­sókn CIA á barna­­níðs­efni í svika­­pósti

Fresta falli sements­strompsins vegna veðurs

Auglýsing