Átta hafa nú látist í eldum sem geisa á suður­strönd Tyrk­lands, sam­kvæmt frétt Reu­ters. Fjöldi elda hafa kviknað í landinu á undan­förnum fimm dögum og búið er að ná tökum á ríf­lega hundrað þeirra.

Tveir létust í eldi í borginni Manavgat í dag en einnig brennur í Marma­ris og Milas. Tíu til við­bótar hafa verið fluttir á spítala.

Fimm höfðu látist á seinustu dögum í Manavgat og einn í Marma­ris. Búið er að rýma nokkur í­búðar­svæði og hótel. Þúsundir manns hafa þurft að yfir­gefa heimili sín.

Slökkvi­liðs­fólk frá Rúss­landi, Úkraínu, Íran og Aserbaídsjan að­stoðuðu heima­fólk við að berjast við eldinn. Í það minnsta þrettán flug­vélar, 45 þyrlur og 828 slökkvi­liðs­bílar hafa tekið þátt í að­gerðunum.

Tyrk­neska ríkið hefur heitið því að bæta upp fyrir skaðann sem hefur orðið af eldunum.