Ekkert til í ásökunum Guðlaugs Þórs

Áslaug Arna Sigurbjörnsdóttir dómsmálaráðherra segir ekkert til í ásökunum Guðlaugs Þórs Þórðarsonar utanríkisráðherra.

„Það voru ekki notuð nein gögn úr þessari kjörskrá og ég vissi ekki einu sinni af þessum aðgangi bróður míns,“ sagði Áslaug að loknum ríkisstjórnarfundi nú í morgun.

Bróðir Áslaugar hefur hjálpað henni í framboðinu en aðallega við tæknimál og samfélagsmiðla að hennar sögn.

Guð­laugur lagði fram kæru á hendur Ás­laugu fyrir að brjóta reglur í próf­­kjöri vegna að­gangs bróður hennar að flokks­skrá Sjálf­stæðis­flokksins. Yfir­kjör­stjórn taldi at­hug­a­­semd­irn­ar ekki eiga við rök að styðj­ast og að ekki hafi ver­ið brot­ið gegn próf­­kjörs­regl­um.

„Niður­staða yfir­kjör­stjórnar var mjög skýr, það var ekkert gert af því sem við vorum sökuð um,“ segir Ás­laug.

Hún segir próf­kjörið hafa verið skemmti­legt hingað til og vonar að það verði það á­fram. „Ég er bara að gefa kost á mér og gefa fólki val, við styðjum val­frelsi og fólk hefur val í Sjálf­stæðis­flokknum.“