„Ekkert skil­yrð­i af okk­ar hálf­u að all­ir sé á­fram í sömu stól­um“

„Hve­nær eru menn form­lega og hve­nær eru menn ó­form­lega að tala saman? Ég veit það ekki,“ sagði Bjarni Bene­dikts­son, for­maður Sjálf­stæðis­flokksins, að loknum fundi með Katrínu Jakobs­dóttur, for­mann Vinstri grænna, og Sigurð Inga Jóhanns­son, for­mann Fram­sóknar­flokksins í ráð­herra­bú­staðnum við Tjarnar­götu.

Katrín fundaði með Guðna Th. Jóhannes­syni, for­seta Ís­lands, í morgun og gerði honum grein fyrir stöðunni. Hvorki Bjarni né Katrín gátu svarað því hvort um væri að ræða form­legar við­ræður en Bjarni sagði að við­ræðurnar, hversu form­legar eða ó­form­legar sem þær eru, myndu halda á­fram eftir helgi.

„Við erum enn að draga upp þessar breiðu línur og núna ætla ég að fara að­eins að ræða stöðuna við þing­flokkinn. Þetta er allt að mjakast í rétta átt finnst mér. Engin stór­kost­leg vanda­mál, við þekkjumst auð­vitað vel og allt það, en okkur líður þannig að við þurfum að halda á­fram að­eins að tala saman.“

Að­spurður um hvort að þau hafi rætt það að stokka upp ráðu­neytum, fjölga þeim eða skipta upp sagðist Bjarni það hafa verið laus­lega rætt. Hann sagðist ekki vera neinn hnút í maganum fyrir við­ræðunum en í­trekaði mikil­vægi þess að vanda vel til verks.

„Þetta er auð­vitað stór­mál að horfa til fjögurra ára og draga upp fram­tíðar­sýn fyrir land og þjóð. Það er ekki eitt­hvað sem maður kastar til hendinni með. Við viljum læra af sam­starfinu okkar og gera það heiðar­lega upp, hvernig var að starfa saman í fjögur ár og hvaða mál komu upp á sem við viljum ekki lenda aftur í. En við erum líka mjög mikið að horfa til fram­tíðar, spennt fyrir fram­tíðinni og viljum láta reyna á það hvort við sjáum hana með sama hætti. Það tekur smá tíma að draga öll mál upp á yfir­boðið og ræða þau. Það er sú vinna sem við stöndum í núna,“ segir Bjarni.

Ætlar að halda upp á af­mæli dóttur sinnar

Leið­togar flokkanna munu ráða ráðum sínum sitt í hvoru lagi fram yfir helgi. Að­spurður um hvað myndi gerast um helgina gaf Bjarni ekki mikið upp en sagðist þó ætla að reyna að slaka á.

„Ég ætla að halda upp á af­mæli dóttur minnar um helgina og að­eins að reyna að slaka á. Við erum búin að vera í rosa­lega löngum spretti, ég held við þurfum öll að­eins að standa upp og teygja úr okkur og draga að okkur ferskt haust­loftið og koma svo fersk aftur í þetta á mánu­daginn.“

Hvernig er andinn í þing­flokknum?

„Hann er á­gætur. Við erum bara öll mjög spennt fyrir því sem er fram undan og viljum vanda okkur. Ég held að við séum kannski fyrst og fremst að vanda hvert skref sem verður stigið núna. Að við séum búin að sjá fyrir það sem við viljum gera og viljum ræða við mögu­lega sam­starfs­flokka um okkar hugðar­efni og okkar á­herslu og láta á það reyna hverjum við getum hrint í fram­kvæmd.“

Mögu­leg upp­stokkun á ráð­herra­em­bættum

Bjarni sagði ekkert vera á­kveðið með ráð­herra­em­bætti og að­eins væru um að ræða laus­legar þreifingar á þessu stigi. Hann gat ekki stað­fest hvort Sjálf­stæðis­flokkurinn myndi halda þeim ráðu­neytum sem þeir hafa verið með undan­farin fjögur ár; fjár­mála­ráðu­neyti, dóms­mála­ráðu­neyti, utan­ríkis­ráðu­neyti og at­vinnu­vega- og ný­sköpunar­ráðu­neyti.

„Við myndum í öllu falli alltaf horfa þannig á það að við þyrftum að halda sama ráðu­neyta­fjölda svona að öllu öðru ó­breyttu. En það er ekkert skil­yrði af okkar hálfu að allir sé á­fram í sömu stólum. Það getur ein­mitt verið á­stæða til þess að hreyfa við hlutum og kannski hleypa nýju lífi í mál með því að gera breytingar,“ sagði hann.

Með þá kannski yngra fólki inn?

Ég er ekkert endi­lega að tala um fólk, ég er að tala um skipu­lagið í stjórnar­ráðinu og hvernig við röðum verk­efnum inn í ráðu­neyti og hvort það geti ekki verið á­gætt bara fyrir mála­flokka að gera breytingar reglu­lega,“ segir Bjarni.