Einn er slasaður eftir að fólksbifreið lenti utan þjóðvegar 1 skammt vestan Efra Bakkakots.

Slysið varð klukkan 11:08 í morgun og viðbragðsaðilar kallaðir til frá Vík og úr vestri. Verið er að flytja þann slasaða af vettvangi en í tilkynningu lögreglunnar á Suðurlandi kemur fram að þyrla hafi ekki verið tiltæk í flutninginn.

Rannsóknarlögreglumenn og rannsóknarnefnd samgönguslysa eru nú við vinnu á vettvangi. Vegurinn er lokaður en hjáleið um Raufarfellsveg og búast má við að vettvangsvinna taki einhvern tíma.