Einar Þor­steins­son, frétta­maður á RÚV til margra ára og einn af stjórn­endum Kast­ljóss, hefur sagt upp störfum og lætur hann af störfum í dag. Kjarninn greinir frá þessu og vísar í skila­boð sem Einar sendi til sam­starfs­manna sinna á RÚV fyrr í dag.

Einar hefur verið á­berandi í fréttum og frétta­tengdum þáttum á RÚV á undan­förnum árum og vakið at­hygli fyrir bein­skeytt við­töl.

Í skila­boðunum, sem Kjarninn vísar í, segist Einar hafa á­kveðið að þiggja starf sem honum bauðst fyrir skömmu.

„Þetta er erfið á­kvörðun því frétta­­stofan er mitt annað heim­ili og það er erfitt að kveðja ykkur vini mína. Ég get því miður ekki sagt ykkur strax frá því hvert ég er að fara en það skýrist fljót­­lega. En ég hætti sem sagt í dag,“ er haft eftir Einari.