Það fé sem ætlað er til kaupa á einni af þremur þyrlum Landhelgisgæslunnar gæti nægt Sjúkratryggingum Íslands til að standa straum af hlut þeirra í tannlækningum þjóðarinnar árið 2019. Um er að ræða álíka mikið og fer frá til reksturs RÚV á ársgrundvelli.

Í fjárlagafrumvarpinu fyrir árið 2019, sem Bjarna Benediktsson fjármálaráðherra kynnti og mælti fyrir í vikunni, kemur fram að þrjár nýjar þyrlur verði keyptar fyrir Landhelgisgæsluna. Áætlað er að þær verði afhentar árið 2022.

Til kaupanna eru ætlaðar 14 milljarðar króna. Gert er ráð fyrir að hver þyrla muni kosta 4,7 milljarða króna.

Fréttablaðið tók saman nokkrar aðrar tölur úr frumvarpinu. Þannig mætti reka Veðurstofu Íslands í fimm ár fyrir þann pening sem áætlað er að ein þyrla kosti. Háskólanum á Akureyri myndi nægja peningurinn til að reka skólann í tæp tvö ár.