Ástralía

„Eggjaði“ um­deildan öfga­mann

Ástralskur öldungardeildarþingmaður gæti átt yfir höfði sér ákæru fyrir líkamsárás eftir að hafa kýlt unglingsdreng sem kramdi egg á höfði hans.

Atvikið náðist í beinni útsendingu.

Unglingspiltur var handtekinn í Melbourne í Ástralíu eftir að hafa „eggjað“ umdeildan þingmann sem þekktur er fyrir öfgafullar skoðanir í garð útlendinga. Þingmaðurinn kýldi svo drenginn. Atvikið náðist á myndband í beinni útsendingu.

Þingmaðurinn, Fraser Anning, komst í kastljós fjölmiðla í gær eftir viðurstyggileg ummæli um hryðjuverkin sem framin voru í Christchurch á Nýja-Sjálandi í gær. 49 manns voru skotin til bana og 48 til viðbótar slösuðust.

Anning hélt því fram að árásin hafi orðið vegna innflytjendastefnu Nýja-Sjálands. Hann hefur tekið sér orðbragð nasista í munn og kallað eftir „lokalausn“ á málefnum múslímskra innflytjenda.

Anning var að ræða við fjölmiðlafólk þegar ungi maðurinn gekk rólega upp að honum, tók upp símann til að ná atvikið á mynd og kramdi egg á höfði þingmannsins. Anning brást ókvæða við og kýldi hinn 17 ára dreng tvisvar í andlitið áður en stuðningsmenn Anning tækluðu drenginn í jörðina.

Drengnum var haldið niðri af stuðningsfólki Anning þar til lögregla kom á vettvang. Greint hefur verið frá því að drengurinn var handtekinn en hefur verið látinn laus án ákæru. Hann slapp ómeiddur úr átökunum.

Þingmaðurinn sjálfur kann einnig að eiga von á ákæru fyrir að hafa ráðist gegn manninum unga, en lögreglan hefur gefið það út við fjölmiðla að það sé val drengsins. Drengurinn, sem hefur verið nefndur „Egg-strákurinn“, hefur af mörgum verið hylltur sem hetja fyrir gjörninginn. Þá hafa ýmsar útgáfur af myndbandinu litið dagsins ljós á netheimum.

Athugasemdir

Auglýsing
Auglýsing

Tengdar fréttir

Ástralía

Kengúra réðist á falla­hlífar­stökkvara

Ástralía

Heitasti janúar frá upphafi mælinga

Ástralía

Sendandi dularfullu pakkanna fundinn

Auglýsing

Nýjast

Tveir inn­lyksa á Hrafns­eyrar­heiði vegna snjó­flóða

Drengirnir í Grindavík fundnir

Rann­saka fram­leiðslu­ferli Boeing 737 MAX vélanna

Þór­hildur Sunna: Tæta í sig MDE til „verndar hégóma Sig­ríðar“

Á­rásar­maðurinn í Utrecht hand­tekinn

My­space glataði öllum gögnum frá því fyrir 2016

Auglýsing