Lögreglan á Spáni hefur handtekið breska konu sem hefur verið dæmd fyrir peningaþvott vegna sölu á farsímum samkvæmt frétt spænska miðilsins El Pais. Konan, sem er 47 ára og þekkt sem S.P. stundaði það ásamt 16 manna hópi að kaupa síma að erlends frá til þess að forðast að greiða söluskatt af þeim, áður en þeir voru endurseldir í Bretlandi með miklum hagnaði. Hún verður í gæsluvarðhaldi á Spáni þangað til hún verður framseld til Bretlands.
S.P. sem hafði verið kölluð „Eftirlýstasta kona Bretlands“ sá um peningaþvott af ágóðanum í gegnum fyrirtæki á Spáni, Andorra og Dubaí og er talið að hópurinn hafi tekið inn um einn milljarð breskra punda, eða um 173 milljarða íslenskra króna.
Dómsmál yfir hópnum fór fram 2013, en konunni tókst að flýja Bretland áður en hún var dæmd í 8 ára fangelsi. Hún hélt sig í felum í Olivella, sem er hérað í Barcelona og heimsótti eiginmaður hennar hana um helgar, þar sem hann kom með nauðsynjavörur handa henni. Hún hafði forðast handtöku af yfirvöldum á Spáni áður en hún var loks tekin höndum þegar hún var á göngu með hundunum sínum þann 27. febrúar í Tarragona héraði.
