Lögreglan á Vesturlandi varar við ammoníaksleka í einni af byggingum HB Granda á Akranesi. Gat hafði komið á lögn í byggingunni, en búið sé að skrúfa fyrir og mengunin sjatnar. Lögregla og slökkvilið vakta svæðið þar til öll hætta er liðin hjá.

Fólki í návist byggingarinnar er bent á að halda sig innandyra, loka gluggum og kynda hús sitt til að sporna gegn því að ammoníak leki inn. Fulltrúi slökkviliðsins á Akranesi segir að ávallt sé hætta á ferð þegar um ammoníak er að ræða, en það geti sest í svitaholur og valdið skaða og ertingu á húð. Byggingar í 300 til 500 metra fjarlægð ættu að grípa til þessara varúðarráðstafanna. 

Fréttin hefur verið uppfærð.