Dóttir Sigurðar G. Guð­jóns­sonar hæsta­réttar­lög­manns, er ekki sátt með föður sinn eftir færslu sem hann setti á Face­book í gær.

Í færslunni birtir Sigurður lög­reglu­skýrslu um mál Kol­beins Sig­þórs­sonar lands­liðs­manns, sem var tekin af Þór­hildi Gyðu Arnar­dóttur árið 2017.

Edda Sif Sigurðardóttir umrædd dóttir Sigurðar, skrifar um­mæli við færslu föður sín og segir meðal annars færsluna ekki vera í takt við þann mann sem hann hafi að geyma.

„Stelpu­pabbinn sem hefur alla tíð hvatt okkur systur á­fram, við séum alveg jafnar strákunum og kyn okkar komi hvergi málinu við,“ skrifar Edda Sif. Hún hvetur hann þá til að endur­skoða gagn­rýnis­orð sín.

Hér má sjá um­mæli Eddu í heild sinni:

„Æj pabbi þessi færsla er hvorki þér né mál­stað Kol­beins til fram­dráttar.

Hvað kemur það málinu við hverja stúlkan hefur valið að kyssa, sofa hjá og segja frá? Og trúðu mér það er ekkert ó­vana­legt að hún leiti ekki til læknis strax - ég er ekki enn farin 15 árum eftir at­vik í mínu lífi.

Það sem er þó verst við þessi skrif þín er að þau eru í engum takt við þann mann sem þú hefur að bera. Fær fólk til að á­líta þig og kalla kven­hatara. Stelpu­pabbinn sem alla tíð hefur hvatt okkur systur á­fram, við séum alveg jafnar strákunum og kyn okkar komi hvergi málinu við.

Ég held þú ættir að endur­skoða þessa færslu og setja fram á þann hátt sem sæmir þér.“