Tveir íslenskir miðaeigendur urðu um 1,5 milljónum króna ríkari þegar þeir deildu þriðja vinningnum í Víkingalottóútdrætti kvöldsins.

Var annar miðinn keyptur í Mosó grill í Mosfellsbæ og hinn keyptur á heimasíðu Íslenskrar getspár, er fram kemur í tilkynningu.

Þá voru tveir með fjórar réttar tölur í réttri röð í Jóker og fá 100 þúsund krónur hver. Var annar miðinn keyptur í Vitanum á Laugavegi og var hinn miðinn í áskrift.

Fyrsti vinningur í Víkingalottó gekk ekki út í kvöld en heppinn Dani var einn með annan vinning að þessu sinni og hlaut rúmar 106 milljónir króna í sinn hlut.