„Það þarf að bjarga Siglunesi,“ sagði Óttar Hrafnkelsson, deildarstjóri siglingaklúbbsins Sigluness, þegar mótmæli fóru fram í Ráðhúsinu rétt fyrir klukkan 12 í dag.
Mótmælt var áður en borgarstjórnarfundur, önnur umræða um fjárhagsáætlun, hófst.
Borgin þarf að standa vörð um unglinga- og æskulýðsstarf. Höggvið er þar sem síst skyldi, að sögn Hildar Björnsdóttur, oddvita Sjálfstæðisflokksins í minnihluta borgarstjórnar en Hildur fylgdist með mótmælunum.
Þúsundir höfðu fyrir mótmælin skráð nöfn sín á mótmælalista vegna boðaðrar lokunar siglingaklúbbsins í Nauthólsvík. Lokunin er hluti af fjölþættum hagræðingaraðgerðum Reykjavíkurborgar til að mæta hallarekstri.
Dagur B. Eggertsson borgarstjóri lagði í samtali við Fréttablaðið að íþrótta- og tómstundaráð myndi skoða fyrri áætlanir. Kann því að vera að mótmælin í dag, þar sem blásið var í neyðarflautur, skili árangri.
