Dómsmál

Dæmdir fyrir að ráðast á mann á American Bar

​Héraðsdómur Reykjavíkur dæmdi í gær tvo karlmenn í tveggja mánaða skilorðsbundið fangelsi fyrir að hafa ráðist að öðrum manni á skemmtistaðnum American Bar í Austurstræti í apríl 2016.

Átökin héldu áfram fyrir utan skemmtistaðinn í Austurstræti. Fréttablaðið/Pjetur

Héraðsdómur Reykjavíkur dæmdi í gær tvo karlmenn í tveggja mánaða skilorðsbundið fangelsi fyrir að hafa ráðist að öðrum manni á skemmtistaðnum American Bar í Austurstræti í apríl 2016.

Í lögregluskýrslu segir að brotaþoli hafi ýtt við öðrum mannanna eftir að sá hafði gengið utan í hann. Myndbandsupptökur úr eftirlitsmyndavélum sýni að klukkan rúmlega fjögur um nótt hafi þeir byrji að munnhöggvast og ýta í hvor annan. Annar ákærðu hafi rekið höfuð sitt, að því er virtist viljandi, í höfuð brotaþola. Brotaþoli hafi við það kýlt hann með hnefahöggi en í þann mund skakkaði hinn sem ákærður var leikinn.

Hann hafi kýlt brotaþola tvisvar í andlitið sem svaraði með tveimur höggum til baka. Hinum ákærðu var í kjölfarið gert að yfirgefa staðinn. Þar biðu þeir fyrir utan eftir brotaþola þar sem þeir réðust á hann aftur með þeim afleiðingum að hann féll í jörðina og fingurbrotnaði, en hann hlaut einnig mar á vinstri kinn og bólgu fyrir aftan vinstra eyra.

Við aðalmeðferð málsins sögðu ákærðu að brotaþoli hafi átt upptökin að slagsmálunum fyrir utan skemmtistaðinn. Hann fór fram á 943 þúsund krónur í miskabætur en ákærðu var gert að greiða honum 443 þúsund auk 250 þúsund króna í málskostnað.

Í dómi héraðsdóms kemur fram að mennirnir tveir hafi ekki hlotið dóm vegna líkamsárásar áður.

Athugasemdir

Auglýsing
Auglýsing

Tengdar fréttir

Dómsmál

Samherji segir rangt sagt frá

Dómsmál

Segir lögreglu einskis hafa svifist

Dómsmál

Hreiðar Már sakfelldur en ekki gerð refsing

Auglýsing

Nýjast

For­seta­frúin lætur reka þjóðar­öryggis­ráð­gjafa

Vilja neyðarfund í Öryggisráðinu

Vann 25 milljónir á röð númer 512

Umsóknir um ríkisborgararétt til Alþingis fjórfaldast

Bilun í vél Icelandair á leið til San Francisco

Ætlar að farga plaggatinu

Auglýsing