Bílar

CRI hlaut umhverfisverðlaunin Energy Globe Awards

Verðlaunin eru veitt fyrirtækjum og einstaklingum sem skarað hafa fram úr í umhverfismálum. CRI fékk verðlaunin fyrir ETL-tæknilausn sína sem talin er gagnast til að sporna við loftslagsbreytingum af mannavöldum.

Verksmiðja Carbon Recycling Interrnational í Svartsengi.

Íslenska hátæknifyrirtækið Carbon Recycling International (CRI) hlaut verðlaunin Energy Globe Awards fyrir nýsköpun í þágu loftlagsverndar. Verðlaunin eru veitt fyrirtækjum og einstaklingum sem skarað hafa fram úr í umhverfismálum. CRI fékk verðlaunin fyrir ETL tæknilausn sína sem talin er gagnast til að sporna við loftslagsbreytingum af mannavöldum, minnka losun koltvísýrings frá margskonar iðnaði og stuðla að orkuskiptum í samgöngum. 

Dómnefnd sem skipuð var sérfræðingum á sviði umhverfisverndar og nýsköpunar, taldi metanólverksmiðju CRI í Svartsengi sýna fram á að endurnýta megi koltvísýring frá iðnaði á hagkvæman hátt og taldi tæknina samræmast markmiðum verðlaunanna. Verksmiðja CRI er sú eina sinnar tegundar á heimsvísu, en árleg framleiðslugeta hennar er 4.000 tonn af endurnýjanlegu metanóli sem framleitt er úr koltvísýringi sem losnar frá jarðvarmavirkjun HS Orku og vetni sem framleitt er með rafgreiningu í verksmiðjunni sjálfri.

Energy Globe Awards eru meðal virtustu umhverfisverðlauna heims en í ár komu yfir 2000 einstaka verkefni frá 182 löndum til álita. Handhafar verðlaunanna hljóta alþjóðlega viðurkennda vottun um sjálfbærni og framlag í þágu loftslagsverndar. Verðlaunin eru bæði veitt í flokkum á heims- og landsvísu og er þeim ætlað að styðja við þróun lausna sem m.a. auka aðgengi að endurnýjanlegri orku og nýta auðlindir með sjálfbærum hætti. “Þessi verðlaun eru mikilvæg viðurkenning fyrir CRI og vinnu okkar við þróun tækni til hagnýtingar koltvísýrings og aðgerða í þágu loftslagsverndar", sagði Sindri Sindrason, forstjóri CRI.

Íslenska hátæknifyrirtækið CRI hefur verið brautryðjandi á heimsvísu á sviði hagnýtingar koltvísýrings frá árinu 2006, en árið 2012 tók verksmiðja fyrirtækisins til starfa í Svartsengi. Þar er koltvísýringur sem losnar frá jarðvarmavirkjun HS orku nýttur til framleiðslu á metanóli. CRI hefur hafið markaðsvæðingu tækni sinnar og hefur nýlega stofnað dótturfyrirtæki í Kína þar sem ætlunin er að reisa verksmiðjur á komandi árum.

Athugasemdir

Auglýsing
Auglýsing

Tengdar fréttir

Bílar

Dýrasti Mustanginn fór á 267 milljónir

Bílar

BMW Group seldi 142 þúsund rafvædda bíla á síðasta ári

Bílar

Al-Attiyah leiðir enn Dakar rallið

Auglýsing

Nýjast

Sá grun­­sam­­legan bíl á ferð við heimili Hagen hjónanna

Morðið á Grace Millane: Ákærði neitar sök

Þrjú börn köfnuðu ofan í frysti­kistu

Sjúkrabíll komst ekki að heimili fárveiks manns

Rafflug innan fimmtán ára

Bitcoin notuð í Hvíta-Rússlandi

Auglýsing