Guðni Th. Jóhannesson, forseti Íslands sæmdi í dag fjórtán manns heiðursmerki hinnar íslensku fálkaorðu við hátíðlega athöfn á Bessastöðum.

Sérstaka athygli vekur að Már Kristjánsson, yfirlæknir og Ragnheiður Ósk Erlendsdóttir hjúkrunarfræðingur voru sæmd orðunni.

Már annars vegar fyrir framlag sitt til meðferðar smitsjúkdóma og baráttu við Covid-19 en Ragnheiður fyrir störf í þágu heilbrigðisþjónustu og baráttu við Covid-19.

Þau skipa sér þannig í hóp með þeim sem áður hafa verið sæmdir orðunni fyrir hlutverk sitt í baráttunni við faraldurinn.

En árið 2020 var þríeykið sem skipað var af Ölmu Möller, Víði Reynissyni og Þórólfi Guðnasyni sæmt orðunni fyrir störf sín gegn Covid-19.

Már Kristjánsson og Ragnheiður Ósk Erlendsdóttir
Mynd/samsett

Aðrir sem hlutu orðuna í dag voru:

  • Anna Guðný Guðmundsdóttir píanóleikari, riddarakross fyrir framlag til tónlistarflutnings.

  • Ari Trausti Guðmundsson jarðeðlisfræðingur, riddarakross fyrir störf á vettvangi vísinda og þekkingarmiðlunar.

  • Drífa Hjartardóttir, bóndi og fyrrverandi alþingismaður, riddarakross fyrir sveitarstjórnarstörf og framlag til menningarmála í heimabyggð.

  • Fríða Björk Ingvarsdóttir rektor, riddarakross fyrir framlag til menntamála á háskólastigi.

  • Guðmundur Gunnarsson veiðarfærameistari, riddarakross fyrir frumkvöðlastarf á vettvangi sjávarútvegs og þróun veiðarfæra.

  • Guðni Guðmundsson bóndi, riddarakross fyrir framlag til umhverfisverndar og samfélagsþjónustu.

  • Karen J. Sturlaugsson, tónlistarkennari og hljómsveitarstjórnandi, riddarakross fyrir framlag til tónlistaruppeldis ungmenna.

  • Magnús Jakobsson, fyrrverandi formaður Frjálsíþróttasambands Íslands, riddarakross fyrir framlag til íþrótta- og æskulýðsstarfs.

  • Mats Wibe Lund ljósmyndari, riddarakross fyrir störf á vettvangi ljósmyndunar og menningar.

  • Már Kristjánsson yfirlæknir, riddarakross fyrir framlag til meðferðar smitsjúkdóma og baráttu við Covid-19.

  • Ólöf Margrét Magnúsdóttir sérkennari, riddarakross fyrir framlag til sérkennslu og málefna barna með fötlun.

  • Ragnheiður Ósk Erlendsdóttir hjúkrunarfræðingur, riddarakross fyrir störf í þágu heilbrigðisþjónustu og baráttu við Covid-19.

  • Rúna Sif Rafnsdóttir sjúkraliði, riddarakross fyrir framlag í þágu mannúðar.

  • Örlygur Richter, fyrrverandi skólastjóri, riddarakross fyrir störf á vettvangi félagsog skólamála.