Co­vid-and­stæðingar söfnuðust saman við Stjórnar­ráðið seinni partinn í dag og röðuðu skiltum upp við húsið og héldu á þeim. Á þeim voru spurningar og full­yrðingar eins og „Hvers vegna láta börn taka þátt í lyfja­til­raun sem lýkur 2023?“, „Hvers vegna er þöggun varðandi auka­verkanir af völdum C19 bólu­setningu?“ og „Hve­nær er fólk talið full­bólu­sett gegn C19?“

Spiluð var upp­taka á mót­mælunum þar sem sagt var að ein og hálf milljón hafi verið boðin í verð­laun handa þeim veiru­fræðingi sem getur sannað til­vist vírussins.

„Engum hefur enn tekist það,“ segir í upp­tökunni. Þar var einnig spurt hvort að Ís­lendingar búi yfir ein­angruðu og hreinsuðu sýni af vírusnum.

„Ef illa fer hvernig rétt­lætum við að­gerða­leysið fyrir börnunum okkar síðar meir?“

Mynd­skeið og myndir af mót­mælunum er hægt að sjá hér að neðan.

Skiltin voru lögð á grasið og upp við húsið.
Fréttablaðið/Anton Brink