Rannsókn lögreglu á bruna á Bræðraborgarstíg miðar vel og hafa kennsl einstaklinganna þriggja sem létust í brunanum verið staðfest af kennslanefnd Ríkislögreglustjóra.

Þau sem létust voru öll pólskir ríkisborgarar sem störfuðu hér á landi. Að ósk aðstandenda verða nöfn þeirra ekki gefin upp.

Tvö þeirra sem létust voru par samkvæmt heimildum Fréttablaðsins.

Einn þeirra sem slasaðist í brunanum er enn á gjörgæslu. Lögregla getur ekki tjáð sig frekar um framvindu rannsóknarinnar að svo stöddu.