Brynjar Níels­son, þing­maður Sjálf­stæðis­flokksins, viður­kennir að hann í­hugi nú al­var­lega að hætta við að hætta. Þetta kemur fram í hlað­varps­þættinum Ein Pæling með Þór­arni Hjartar­syni.

Eins og fram hefur komið lenti Brynjar í fimmta sæti í próf­kjöri Sjálf­stæðis­flokksins í Reykja­vík síðustu helgi. Það var lakari árangur en hann stefndi að og sagðist Brynjar ekki ætla að þiggja sætið í kjöl­farið.

Sjá einnig
Brynjar og Sigríður hætta á þingi

Í þættinum segir Brynjar að sér líði afar vel, viku eftir próf­kjör. „Próf­kjörið búið og allt þetta vesen í kringum það. Þingið að klárast og maður að komast í sumar­frí. Manni getur ekki liðið betur.“

Ertu alveg hundrað á því að vera hættur?

„Heyrðu, ég var það. Ég var það og var búinn að hugsa lengi fyrir próf­kjörið, ég sá alveg fyrir hvernig þetta færi þegar öll þessi smölun yrði. Þá átti ég aldrei séns í raun og veru ofar en fimmta. Vegna þess að odd­vita­bar­áttan tók með sér hliðar­fólk,“ segir Brynjar.

Hann segir að hann hafi þá hugsað að flokkurinn væri að veðja á nýtt fólk. „Þannig mér fannst þetta bara liggja í augum uppi að ég væri langt frá mark­miðunum, að kveðja bara,“ segir Brynjar.

Hann segir stuðnings­menn sína ekki hafa litið þannig á.
„Þannig það er búið að leggja mjög mikið að mér. Slík þyngsli að ég er orðinn boginn í baki.“

Brynjar segist þó ekki hafa tekið endan­lega á­kvörðun.
„Það eina sem ég lofa fólki er að ég ætla þá bara að í­huga það hvort það sé á­stæða til að endur­skoða og ég ætla bara að liggja á því í ró­leg­heitum og sjá hvernig málin þróast. Sjá hvernig málin þróast í kosningum nú í kraganum og svo er norð­vestur eftir. Þannig ég ætla bara að bíða ró­legur.“

Hann segist hins­vegar vera undrandi á við­brögðum við fyrri á­kvörðun sinni um að hætta. „Það er að segja hvað það hefur verið þrýst á mig og úti um allt land. Um að halda á­fram og það er eins og ein­hverjum þyki ég mikil­vægur enn­þá,“ segir Brynjar og bætir við:

„Þannig ég eigin­lega neyðist til að alla­vega lofa því að í­huga hvort það sé á­stæða til að endur­skoða þetta.“

Þannig að þú ert að vísa til þess að þiggja fimmta sætið?

„Já. Eða ég meina, það er auð­vitað getur verið gaman að taka bar­áttu,“ svarar Brynjar en fimmta sætið í próf­kjörinu gæti verið bar­áttu­sæti í öðru hvoru Reykja­víkur­kjör­dæmanna. „Ég held að Sjálf­stæðis­flokkurinn eigi alveg gífur­leg tæki­færi í kosningunum í haust. Við stöndum frammi fyrir því að endur­reisa at­vinnu­lífið og ég bara hef ekki trú á því að kjós­endur Reykja­víkur trúi því að Reykja­víkur­módelið geti það.“

Þáttar­stjórnandinn vék talinu aftur að próf­kjörinu og lét þess þá getið að em 2600 hafi bæst við flokkinn á einum degi, það hafi því ekki að­eins sjálf­stæðis­menn tekið þátt.

„Nei nei, margir vinstri­menn komu að kjósa. Ég meina, þetta er vandinn við próf­kjör. Þegar þú hefur reglurnar þannig að menn geta skráð sig bara um leið og þeir kjósa og ef menn fara í svona mikla smölun þá sýnir það kannski ekki endi­lega niður­stöðu sjálf­stæðis­manna sjálfra,“ segir Brynjar og vísar til sinna stuðnings­manna.

Því hafi þeir lagt mjög að honum að endur­skoða á­kvörðun sína. „Því þeir telja það geta skipt máli fyrir flokkinn. Og ég verð að verða við því að skoða það, hvort þetta sé rétt hjá mér að hætta við að hætta. En það er samt þannig að fólk gat komið og kosið mig sko. Auð­vitað kusu mig margir, yfir 60 prósent, þannig það er svo sem á­gætis kosning þegar horft er til þess.“