Brotist var inn í hús­næði björgunar­sveitarinnar Bróður­hönd í nótt og þaðan stolið flug­eldum fyrir um eina milljón króna. Einar Viðar Einars­son, for­maður Bróður­handar, segir að sem betur fer hafi þeir ekki verið með mikið magn af flug­eldum þó vissu­lega sé um að ræða tals­vert fjár­hags­tjón fyrir þessa fá­mennu sveit sem stað­sett er undir Eyja­fjöllum. Þetta er í annað sinn á skömmum tíma sem flug­eldum er stolið en í síðustu viku var brotist inn í gám á lóð Hjálpa­sveitar skáta í Kópa­vogi þar sem flug­eldum að and­virði tveggja milljóna var stolið.

„Við erum náttúru­­lega björgunar­­sveit af minnsta skalanum og erum fá­­menn hérna austur í sveit þannig að sem betur fer liggjum við nú ekki með milljóna krónu birgðir af flug­eldum,“ segir Einar Viðar í sam­tali við Frétta­blaðið.

„Það sem var enn betra var að við höfðum okkar eina flug­elda­­sölu­­dag í gær þannig að það tak­­markar peninga­­lega tjónið fyrir okkur. Það hefur verið farið inn í húsið á milli 22:30 til 09:30 í nótt og það virðist bara hafa verið stolið flug­eldum. Öll önnur verð­­mæti virðast hafa verið látin vera. Sölu­verð­­mæti flug­eldanna hafa verið ein­hvers staðar upp undir milljón og eina tjónið sem varð er úti­­hurðin sem þarf að endur­­nýja. Við erum búnir að til­­kynna þetta og lög­reglan er komin í rann­­sókn málsins.“