Bresk yfir­völd hafa bannað ferða­löngum frá Portúgal, 14 löndum Suður-Ameríku og einu Afríku­ríki að ferðast til landsins vegna vís­bendinga um að nýtt af­brigði CO­VID-19 sé komið fram í Brasilíu. Bannið tekur gildi í fyrra­málið.

Löndin sem bannið tekur til eru Portúgal, Argentína, Brasilía, Bólivía, Græn­höfða­eyjar, Chile, Kólumbía, Ekvador, Franska Gvæjana, Gvæjana, Panama, Paragvæ, Súrínam, Úrúgvæ og Venesúela.

Frá þessu greindi Grant Shapps sam­göngu­mála­ráð­herra á Twitter. Hann segir þetta gert til að reyna að koma í veg fyrir að af­brigðið berist til landsins. Bannið tekur ekki gildi til breskra og írskra ríkis­borgara, sem og þeirra sem hafa dvalar­leyfi í Bret­landi. Slíkir ferða­langar þurfa þó að fara í sótt­kví í tíu daga á­samt fjöl­skyldu sinni eftir komu til Bret­lands.

Áður höfðu Bretar lokað á komur ferða­langa frá Dan­mörku og Suður-Afríku vegna nýrra af­brigða CO­VID-19 sem fundist hafa þar.