Erlent

Breskir ráð­herrar biðla til þing­manna um að sam­þykkja Brexit

Ráðherrar í ríkisstjórn Theresu May róa nú að því öllum árum að sannfæra þingmenn breska þingsins um að samþykkja Brexit samninginn á þriðjudaginn.

Algengt er að sjá skilti með slíkum boðskap fyrir utan breska þingið. Fréttablaðið/EPA

Ráðherrar í ríkisstjórn Theresu May, forsætisráðherra Bretlands, róa nú að því öllum árum að sannfæra þingmenn breska þingsins um að samþykkja Brexit samning ríkisstjórnarinnar en einungis örfáir dagar eru í að atkvæðagreiðsla fari fram um samninginn, eða næstkomandi þriðjudag. 

Þannig hóf forsætisráðherrann daginn á því að rita pistil í dagblaðið Sunday Express þar sem hún hvatti þingmenn til þess að kjósa Brexit samninginn sinn og sagði annað „ófyrirgefanleg svik gegn trausti á lýðræðinu.“ 

Sjá einnig: „Ófyrirgefanleg svik gegn trausti á lýðræðinu okkar“

Á sama tíma er ljóst að stjórnarandstaðan brýnir hnífana en flestir stjórnmálaskýrendur í Bretlandi telja ólíklegt að samningurinn verði samþykktur og undirbýr Verkamannaflokkurinn nú vantrauststillögu á hendur ríkisstjórninni eins fljótt og auðið er verði samningnum hafnað á þriðjudag. 

Æ fleiri innan Verkamannaflokksins telja að flokkurinn eigi að styðja aðra þjóðaratkvæðagreiðslu um málið en enn sem komið er er stefna flokksins að boða til nýrra þingkosninga og endursemja um Brexit.

Brexit-málaráðherrann Stephen Barclay segir í samtali við BBC að ríkisstjórnin sé undirbúin undir atburðarásina sem geti farið af stað verði samningnum hafnað. Hann hvetur á sama tíma þingmenn til þess að virða niðurstöður þjóðaratkvæðagreiðslunnar frá 2016.

Aðspurður hvað ríkisstjórnin muni gera verði samningurinn felldur, segir Barclay að hann búist við því að „neðri deildin myndi styðja einhverskonar samning svipaðan þessum.“

Miklar vangaveltur eru um atburðarás næstu daga en breskir miðlar hafa greint frá orðrómum þess efnis í dag og í gær að þverpólitísk samstaða ríki meðal fjölda þingmanna um að taka Brexit málin úr höndum ríkisstjórnarinnar, fari svo að samningi May verði hafnað á þriðjudag.

Athugasemdir

Auglýsing
Auglýsing

Tengdar fréttir

Erlent

Öldungar­deildar­þing­maðurinn Kamala Har­ris til­kynnir for­seta­fram­boð

Erlent

Telja tíu af eftir sprengingu í flutninga­skipi á Svarta­hafi

Erlent

Ísraelar réðust á írönsk skot­mörk í Sýr­landi

Auglýsing

Nýjast

Píratar leggja fram frum­varp um nýja stjórnar­skrá

Birtir ræðuna sem ekki mátti flytja á Alþingi

Fresta ekki Brexit né halda þjóðar­at­­kvæða­­greiðslu

Vonast til að ná til Julens á morgun

„Marxísk“ stefna í heil­brigðis­málum

Ræddi tillögur ríkisstjórnarinnar um húsnæðismál

Auglýsing