Á­kvörðun manna­nafna­nefndar um að sam­þykkja ekki nafnið Lúsífer hefur nú vakið at­hygli hjá breska ríkis­út­varpinu, BBC, en þann fjór­tánda janúar síðast­liðinn úr­skurðaði nefndin að beiðni um nafnið Lúsífer hafi verið hafnað.

„Þar sem nafnið Lúsífer (kk.) er eitt af nöfnum djöfulsins telur manna­nafna­nefnd ljóst að það geti orðið nafn­bera til ama,“ er meðal þess sem sagði í úr­skurðinum en í um­fjöllun BBC kemur fram að manna­nafna­nefnd hefði enga sam­úð með djöflinum.

Lucifer áður lagt fram

Þetta er ekki í fyrsta sinn sem manna­nafna­nefnd hafnar nafni djöfulsins en síðast­liðinn nóvember hafnaði manna­nafna­nefnd nafninu Lucifer. Nafninu var þá hafnað af sömu á­stæðu auk þess sem að rit­háttur nafnsins væri ekki í sam­ræmi við al­mennar ritreglur þar sem bók­stafurinn C telst ekki til ís­lenska staf­rófsins.

Svo virðist samt vera að sú staðreynd að nafnið sé eitt af nöfnum djöfulsins hafi verið næg ástæða til þess að hafna nafninu þrátt fyrir að rithætti nafnsins væri breytt.

Úrskurðinn má sjá hér fyrir neðan: