Innlent

Braust inn í Hlíða­skóla og stíflaði bað­vaskana

Málið er komið á borð lögreglunnar á höfuðborgarsvæðinu og barnaverndar.

Kalla þurfti út dælubíl og tvo slökkviliðsbíla. Slökkviliðið var um tvær klukkustundir að störfum. Fréttablaðið/Vilhelm

Ástæða vatnslekans í Hlíðaskóla í fyrrinótt var nemandi sem brotist hafði inn og skrúfað frá vatninu í öllum baðvöskum skólans. Vatnið flæddi um skólann og tók það slökkvilið um tvær klukkustundir að þurrka vatnið upp. Málið er komið á borð lögreglu og barnaverndar. 

„Þetta er allt í vinnslu og við erum að ná að þurrka þetta allt saman upp. Það urðu minni skemmdir en hefðu getað orðið því kerfið fór í gang eftir að gufa fór að myndast. Vatnið flæddi héðan frá baðherbergjunum, þar sem vaskarnir voru stíflaðir, og flæddi um unglingaganginn,“ segir Kristrún Guðmundsdóttir, skólastjóri Hlíðaskóla, í samtali við Fréttablaðið. 

Talið er að vatnið hafi fengið að renna í um fjórar klukkustundir áður en lekans varð vart í kringum miðnætti í gær. Dælubíll og tveir slökkviliðsbílar komu í kjölfarið til aðstoðar. Skólahald var óbreytt og hreinsunarstarfi að ljúka, að sögn Kristrúnar. 

„Þetta var óvitagangur. Það er búið að vinna málið innan skólans þannig að þetta er allt í réttum farvegi. Lögreglan var þarna kölluð til og þegar það er gert þá fer málið sjálfkrafa til barnaverndar,“ segir Kristrún. 

Athugasemdir

Auglýsing
Auglýsing

Tengdar fréttir

Kosningar 2018

Vill láta byggja tíu þúsund íbúðir

Innlent

Vig­dís Hauks kastar sér út úr flug­vél í þágu mál­staðarins

Slys

Tveimur bjargað úr Þing­valla­vatni og enn leitað í Ölfusá

Auglýsing

Nýjast

Tyrkland

Kosningabarátta Erdoğans færist til Bosníu

Bandaríkin

Trump krefst rann­sóknar á meintum njósnum Obama

Íran

Íran segir Evrópu ekki gera nóg

Bretland

Vefabréfsáritun Rómans ekki verið endurnýjuð

Venesúela

Maduro sigur­strang­legur í Venesúela

Stjórnmál

Davíð segir Icesa­ve hafa farið illa með Sjálf­stæðis­flokkinn

Auglýsing