Börn verða að vera orðin 13 ára gömul til að mega nota raf­magns­hlaupa­hjól sem fara hraðar en 25 km/kls, sam­kvæmt lögum og reglu­gerðum um slík farar­tæki. Þetta kemur fram í svari Her­dísar L. Storggard, hjúkrunar­fræðings á Face­book síðu verk­efnisins Ár­vekni - Slysa­varnir barna.

Þá kemur fram að ferðist slík raf­hlaupa­hjól á minni hraða en 25 km/kls, gildir sá aldur sem fram­leiðandi hjólanna til­tekur í upp­lýsingum um tækið. Því sé það mjög mikil­vægt að for­eldrar kynni sér leið­beiningarnar áður en hjólið er keypt.

„Strangar kröfur gilda um það að fram­leiðandi, fram­leiði vöruna og við það taki mið að þroska og getu barnsins til að tryggja öryggi þess. Þó búnaðurinn sé öruggur þá getur orðið al­var­legt slys ef barn sem ekki hefur þroska til að nota hann gerir það þar em það ein­fald­lega ræður ekki við hann.“

Þá segir Her­dís að ýmsar leigur séu með sínar eigin reglur um aldurs­tak­mörk þeirra sem taka hlaupa­hjólin á leigu og þessar upp­lýsingar er að finna á heim­síðum þeirra. Flestar leigur eru með 18 ára aldurs­tak­mark. Þannig að einungis eru þessi hjól ætluð full­orðinum.

Þá minnir hún á hjálma­skyldu barna undir 16 ára, sem lögum sam­kvæmt skulu nota reið­hjóla­hjálm.