Gul viðvörun verður í gildi víða um allt land á morgun þann 5. desember vegna Suðaustan storms suðvestanlands.

Veðurstofa Íslands spáir snörpun hviðum með allt að 40 til 45 metra á sekúndu frá um klukkan 9 til 17 á utanverðu Kjalarnesi, undir Hafnarfjalli, á Snæfellsnesi og um tíma undir Eyjafjöllum.

Blindbylur verður á Hellisheiði og í Þrengslum frá klukkan 14 og fram undir kvöld á morgun og má þá búast við slydduhríð í kjölfarið.

Íbúar á Norðausturlandi, Suðausturlandi og hluta Austurlands sleppa við storminn.
Mynd: Veðurstofa Íslands

Stormurinn hefur áhrif á samgöngur

Vonskuveðrið mun hafa mikil áhrif á strætóferðir á landsbyggðinni.  Þetta kemur fram í tilkynningu frá Strætó:

  • Leið 57 (Reykjavík – Akureyri): Allar ferðir munu falla niður yfir daginn. Óvissa verður með ferðir eftir kl. 17:00 á morgun. Viðskiptavinir eru hvattir til að fylgjast með tilkynningum.
  • Leið 58 (Stykkishólmur - Borgarnes): Morgunferðin verður felld niður en búist er við að seinni ferð dagsins verði ekin.
  • Leið 82 (Hellissandur - Stykkishólmur): Óvissa verður með morgunferðina en seinni ferð dagsins er líkleg. Viðskiptavinir eru hvattir til að fylgjast með tilkynningum.
  • Leið 51 (Reykjavík – Höfn): Allar líkur eru á að ekið verði um morguninn en þegar líður á daginn má búast við að ferðir verði felldar niður. Viðskiptavinir eru hvattir til að fylgjast með tilkynningum.
  • Leið 52 (Reykjavík - Landeyjahöfn): Allar líkur eru á að fyrri ferðin verði ekin um morguninn en óvissa er um seinni ferð dagsins. Viðskiptavinir eru hvattir til að fylgjast með tilkynningum.
Mynd: Vegagerðin