Björn Leví Gunnarsson, þingmaður Pírata sem situr í undirbúningsnefnd, hefur staðfest að gilt atkvæði hafi fundist í bunka merktum auðum atkvæðum í síðari vettvangsferð nefndarinnar í Borgarnesi á miðvikudaginn.

Þetta staðfesti Björn Leví við fréttastofu RÚV í kvöld. Hann hafi fundið seðilinn og á honum var atkvæði greitt Framsóknarflokknum.

Birgir Ármannsson, formaður nefndarinnar, hvorki neitaði né staðfesti málið við Fréttablaðið fyrr í kvöld.

Stundin greindi frá því gilt at­kvæði hafi fundist í bunka merktum auðum at­kvæðum í síðari vett­vangs­ferð undir­búnings­nefndar.

Grunur leiki á að talning at­kvæða í Norð­vestur­kjör­dæmi hafi hafist áður en kjör­stöðum lokaði en slíkt er ekki heimilt.

Starfs­menn Hótel Borgar­nes höfðu ó­heftan að­gang að ó­inn­sigluðum at­kvæðum í auðum sal hótelsins eftir fyrstu talningu.

Lög­reglan hefur ekki stað­fest hvort starfs­menn hafi farið að svæðinu þar sem kjör­gögnin voru geymd þar sem eftir­lits­mynda­vélar sem lög­reglan fékk að­gang að sýna ekki það svæði. Þá er einnig greint frá því að þrír starfs­menn hafi tekið myndir af eftir­lits­lausum seðlunum í salnum.

Undir­búnings­nefnd rann­sakar nú hvort byrjað hafi verið að telja at­kvæði í Norð­vestur­kjör­dæmi áður en kjör­staðir lokuðu.

Fyrstu tölur kjör­dæmisins voru birtar ríf­lega tíu mínútum eftir að kjör­staðir lokuðu. Tæp­lega sex þúsund at­kvæði og er nokkuð ljóst að telja hafi þurft ansi hratt til að telja þennan fjölda at­kvæða á rúmum tíu mínútum.