Björg Lofts­dóttir, sjúkra­liði hjá Reykja­víkur­borg, segist vera að í­huga að segja upp störfum eftir að bílar heima­hjúkrunar á vegum borgarinnar voru teknir af nagla­dekkjum.

Björg lýsir þessu í sam­tali við Morgun­blaðið í dag.

Frétta­blaðið greindi frá því þann 27. nóvember að fjórðungur af 97 bílum í þjónustu vel­ferðar­sviðs Reykja­víkur­borgar væri á nagla­dekkjum, þvert á stefnu borgarinnar gegn notkun nagla­dekkja. Í svari Reykja­víkur­borgar við fyrir­spurn Frétta­blaðsins kom fram að bílarnir yrðu teknir af nagla­dekkjum á allra næstu dögum og settir á aðra tegund vetrar­dekkja.

Björg sinnir heima­hjúkrun meðal annars í efri byggðum borgarinnar, Kjalar­nesi til dæmis, og segist hún í sam­tali við Morgun­blaðið upp­lifa ó­öryggi í starfi eftir að á­kveðið var að bílarnir skyldu ekki vera á nöglum.

„Það er allt annað veður­far í efri byggðum. Ég myndi ekki fara út í ó­veðri á mínum bíl. En ég þarf að fara út í hvaða veðri sem er til að sinna vinnu minni. Ég er að fara til fólks sem er veikt. Ég þarf að koma því í rúmið, gefa því lyf,“ segir Björg við Morgun­blaðið og bætir við að starfs­menn heima­hjúkrunar séu oft snemma á ferðinni, jafn­vel áður en búið er að ryðja snjó í öllum hverfum.

Þá bendir Björg á að starfs­menn séu ekki á neinum jeppum heldur smá­bílum á boð við Nissan Micra, Toyota Yaris og Kia Rio. Björg segist hafa mætt litlum skilningi hjá borginni vegna málsins og í­hugar að segja upp störfum vegna þess.