Innlent

Bjó til klám­mynd­band á göngu­leið í Reykja­dal

Klámmyndaleikkonan Layna Landry tók í vor upp klámmyndband á einni af vinsælli gönguleiðum landsins. Óheimilt er að særa blygðunarsemi fólks á almannafæri.

Konan greinir hálf afsakandi frá því á Instagram að þessi mynd sé ein af fáum þar sem hún er fullklædd.

Klámmyndaleikkona sem kallar sig Layna Landry birti í vor myndband frá Íslandi á stærstu klámsíðu í heimi. Í myndbandinu sjást kynferðisleg atlot sem tekin voru upp á fjölsóttum ferðamannastað á Íslandi. Í hegningarlögum kemur fram að fangelsisdómur geti legið við því að særa blygðunarsemi manna með lostugu athæfi.

Í myndbandinu, sem er tekið upp í Reykjadal skammt frá Hveragerði, er sýnt þar sem Landry veitir ónefndum karlmanni munngælur. Inn á milli sýnir myndatökumaðurinn - sem sennilega er umræddur karlmaður - frá umhverfinu. Ekki er að sjá að aðrir ferðamenn hafi verið á þessum slóðum þegar myndbandið var tekið, seint í apríl, en um afar fjölfarna gönguleið er að ræða.

Engum vafa er undirorpið að myndbandið er tekið upp á Íslandi.

Meðfylgjandi mynd deilir konan á Instagram-reikningi sínum, þar sem hún hefur orð á því að þetta sé ein af örfáum myndum þar sem hún er fullklædd. Aðrar myndir af henni á Instagram renna styrkum stoðum undir þá fullyrðingu.

Myndbandið ber á klámsíðunni yfirskrift sem þýða mætti á þann veg að vergjörn fjallgöngukona veiti munngælur í íslensku fjalllendi. Tæplega tvö þúsund manns hafa horft á myndbandið en 79% þeirra hafa lýst yfir velþóknun sinni á framleiðslunni.

Reykjadalur er sérstaklega vinnsæll ferðamannastaður.

Athugasemdir

Auglýsing
Auglýsing

Tengdar fréttir

Innlent

Tekinn aftur á ríflega 130 á Reykjanesbraut

Innlent

Lög­reglan leitaði að „Stúfi“ í Bú­staða­hverfi

Innlent

Tekinn á 132 með vélsleðakerru í eftirdragi

Auglýsing

Nýjast

Segja asbest í barnapúðri Johnson & Johnson

Kældi brennandi bíl með snjó

Glæ­ný Boeing-þota nauð­lendir í Íran

Braust inn í bíl en eigandinn sat undir stýri

Ölvaður maður bjálaðist í vegabréfaskoðun

Ísland er dýrasta land í Evrópu

Auglýsing