Bíll valt vestan við Lómagnúp við Skeiðarársand fyrr í dag. Viðbragðsaðilar á Suðurlandi ásamt þyrlu Landhelgisgæslunnar hafa verið kallaðir til. Samkvæmt tilkynningu frá Lögreglunni á Suðurlandi voru tveir í í bílnum en ekki er vitað nánar um tildrög slyssins eins og stendur. Litlar upplýsingar voru að fá frá Lögreglunni á Suðurlandi aðrar en aðstæður litu betur út en á horfðist í fyrstu. 

Samkvæmt upplýsingum frá lögreglunni á Suðurlandi eru báðir aðilar úr bílveltunni eru með meðvitund en annar nokkuð slasaður á höfði. Eins kemur fram að ekki sé þörf á því að loka vegum nærri slysstað. 

Fréttin hefur verið uppfærð.