Finn­bogi Her­manns­son, rithöfundur, sakar Berg­svein Birg­is­son um að hafa líklega tekið texta úr bók sinni Ein­ræður Stein­ólfs frá árinu 2003 og notað í bók sína Svar við bréfi Helgu frá árinu 2010. Greint er frá þessu í Morgunblaðinu í dag.

„Jú, lík­lega er þetta ritstuld­ur hjá Berg­sveini en hann vildi ekki viður­kenna það á sín­um tíma þegar ég bar það upp á hann,“ sagði Finn­bogi við Morgunblaðið.

Líkt og fram kom í vikunni hefur siða­nefnd Há­skóla Ís­lands borist kæra frá Berg­sveini vegna meints rit­stuldar Ás­geirs Jóns­sonar seðla­banka­stjóra, í ný­út­gefinni bók Ásgeirs, Eyjan hans Ingólfs.

Ásgeir hafnar öllum ásökunum um ritstuld. Í samtali við Fréttablaðið í vikunni sagðist Bergsveinn ætla sjá hvernig málið fari hjá siðanefndinni, áður en hann tekur afstöðu til mögulegrar málshöfðunar.

Í blaðinu í dag er nefnt dæmi um svipað orðalag í bókum Finnboga og Bergsveins, hér má lesa frétt Morgunblaðsins.