Bátar losna frá bryggju í Vest­manna­eyjum og á Suður­­nesjum

Nokkrir smá­bátar hafa losnað frá bryggjunni í Vest­manna­eyjahöfn og einn bátur hefur losnað á Suður­nesjum vegna ó­veðursins. Björgunar­sveitir hafa fengið til­kynningar um á­standið og eru mættar niður á hafnirnar.

Flest út­köll björgunar­sveita vegna ó­veðursins hafa verið í Eyjum þar sem gríðar­legt fár­viðri er nú. Vindur þar hefur náð í yfir 50 metrum á sekúndu en hann hefur að­eins gengið niður. Enn koma þó reglu­lega hvassar vindhviður sem ná 50 metrunum.

Há­flóð er nú í Vest­manna­eyjum og losnuðu bátarnir í því. Út­kall vegna þeirra barst rétt fyrir klukkan 09:30 í dag. Ekki er ljóst hve margir bátar losnuðu frá bryggjunni. Davíð Már Bjarna­son, upp­lýsinga­full­trúi Lands­bjargar, segir alla til­tæka björgunar­sveitar­menn vera komna niður á höfn til að meta á­standið.

Hann segir enn ekki ljóst hvort að­stæður leyfi þeim að gera til­raun til að sigla eftir bátunum og festa þá aftur. Til­kynning um bátinn á Suður­nesjum barst um svipað leyti og er ljóst að að­eins einn bátur hefur losnað þar. Einnig er verið að meta aðstæður við höfnina þar.