Maður lést í vinnuslysi á Hellissandi á Snæfellsnesi á ellefta tímanum í morgun. Lögreglan á Vesturlandi rannsakar nú tildrög slyssins. Þetta staðfestur lögreglan á Vesturlandi í samtali við Fréttablaðið.

Slysið átti sér stað klukkan 10:30 í morgun. Þyrla Landhelgisgæslunnar var kölluð á vettvang en maðurinn var ekki fluttur með þyrlunni að sögn Ásgeirs Erlendssonar, upplýsingafulltrúa Landhelgisgæslunnar. Frekari upplýsingar um slysið liggja ekki fyrir að svo stöddu.