Manneskjan sem varð fyrir bíl á gatnamótum Sæbrautar og Kringlumýrabrautar lést á slysstað samkvæmt fulltrúa lögreglunnar á höfuðborgarsvæðinu. Greint var frá því í morgun að gangandi vegfarandi hafði orðið fyrir bíl og voru áverkar hans strax lýst sem alvarlegum. Vegfarandinn var fluttur á slysadeild Landspítalans þar sem hann var úrskurðaður látinn.

Sæbraut var lokuð til vesturs á meðan sjúkraflutningar- og lögreglumenn unnu á vettvangi. Málið er til rannsóknar hjá lögreglunni að svo stöddu, en er talið vera slys.

Þetta er annað banaslysið í íslenskri umferð á síðastliðnum sólarhring, en karlmaður lést í bílveltu í Borgarfirði í gærkvöldi.