Steve Kirsch, bandaríksur auðjöfur úr tæknigeiranum, hefur verið kallaður öllum illum nöfnum, eftir að hann bauð ókunnugri konu sem hann hitti í flugvél 100 þúsund dollara fyrir að taka af sér sóttvarnargrímuna.
Hann greindi sjálfur frá þessu á Twitter. Þau voru að fljúja saman með flugfélaginu Delta síðastliðinn föstudag.
„Ég er um borð í Delta-flugvél eins og stendur. Manneskjan við hliðina á mér í fyrsta farrými neitaði að taka við 100 þúsund dollurum fyrir að taka af sér grímuna og vera án hennar allt flugið.“ skrifaði hann á Twitter.
„Án djóks. Það gerðist eftir að ég útskýrði fyrir henni að grímur virka ekki. Hún vinnur fyrir heilbrigðisfyrirtæki.“ bætti hann við og birti af sér mynd úr flugvélinni.
Kirsch hélt áfram og sagði meðal annars að hann hefði byrjað að bjóða henni hundrað dollara, og smátt og smátt þúsundfaldað þá upphæð. Þá segist hann hafa gert grín að henni þegar hún tók grímuna af sér til að borða.
Fjallað er um málið í New York Post, en þar er haft eftir fjölda fólks sem hefur gagnrýnt auðjöfurinn fyrir þessa hegðun sína. Hann er til að mynda sagður vera fyrirlitleg manneskja og kallaður „hrútskýrari“.
