Minni sala bíla Audi í janúar uppá 3% en í sama mánuði í fyrra veldur forsvarsmönnum Audi áhyggjum og þar á bæ er fyrirhugað að fækka bæði stjórnendum og vélargerðum í Audi bíla sem eru að eigin sögn of margar. Með fækkun velargerða á að einfalda smíðina, en einnig stendur til að skera niður eitt lag af stjórnendum í fyrirtækinu og fækka þeim samtals um 10%. Þó svo að Audi hafi aukið sölu sína á stærsta bílamarkaði heims í Kína um 5,1% í janúar var sala Audi léleg í Evrópu og hefur hún hríðfallið frá því að nýja WLTP eyðsluviðmiðunin tók gildi á seinni hluta síðasta árs. 

Ekki liggur fyrir hvaða vélargerðir Audi fara undir hnífinn, en leiða má getum að því að stærstu, eyðslufrekustu og minnst seldu vélargerðirnar lendi í niðuskurðinum sem á að nema um 30% af núverandi vélarúrvali. Líkt og í tilfelli Audi mun BMW skera niður 8 og 12 strokka vélar fyrir næstu kynslóð BMW 7-línunnar og Benz ætlar líka að hætta framleiðslu V12 vélarinnar í S-Class. Með þessum hagræðingaraðgerðum Audi er meiningin að spara fyrirtækinu ríflega 2.000 milljarða króna til ársins 2022.