umferðarslys

Átta bíla árekstur í Kópavogi

Stór árekstur varð við Sunnuhlíðina í Kópavogi fyrr í dag og tugir bíla sitja þar fastir. Slökkviliðsmenn hafa gengið á milli bíla og veitt upplýsingar þar sem enn gæti verið töluverð bið.

Mikið öngþveiti hefur skapast í Kópavogi eftir átta bíla árekstur fyrr í dag. Díana Sjöfn Jóhannsdóttir

Átta bíla árekstur varð við Sunnuhlíðina í Kópavogi fyrr í dag. Mikið umferðaröngþveiti hefur því myndast og eru tugir bíla fastir. 

Að sögn slökkviliðsins á höfuðborgarsvæðinu er aðeins um minniháttar meiðsli að ræða, en einn hefur verið fluttur á sjúkrahús. 

Díana Sjöfn Jóhannsdóttir og Sjöfn Hauksdóttir sitja fastar í langri röð af bílum. Díana segir í samtali við Fréttablaðið að slökkviliðsmenn gangi nú á milli bíla til þess að ræða við fólk og gefa upplýsingar.

„Þeir komu og sögðu að biðin væri svona hálftími, klukkutími og við erum mjög framarlega í röðinni,“ segir Díana sem telur að tuttugu til þrjátíu bílar séu fastir í langri bílaröð. 

„Fólk er mjög rólegt og við erum fegnar að það var ekki alvarlegt slys. Slökkviliðsmaðurinn var líka mjög almennilegur og sagði okkur að setja bara á góða tónlist því þetta gæti tekið sinn tíma.“

Samkvæmt upplýsingum frá Vegagerðinni er Kringlumýrarbrautinni lokað í átt að Hafnarfirði frá Miklubraut en opið er til Reykjavíkur. 

Slökkviliðið hefur gengið á milli bíla og veitt upplýsingar. Fólk gæti þurft að bíða lengi í bílunum sínum. Díana Sjöfn Jóhannsdóttir

Athugasemdir

Auglýsing
Auglýsing

Tengdar fréttir

Innlent

Sögð hafa fengið 23 milljónir fyrir að teikna braggann

Innlent

„Allt gert til að verj­a verð­l­agn­ing­u ferð­a­m­ann­a­­­stað­a“

Innlent

Leggur fram lög­banns­beiðni á Tekjur.is

Auglýsing

Nýjast

Aldrei meiri olíunotkun

Guð­­mundur Andri: Kristinn lektor er ekki stikk­­frí

Trúir því loksins að jörðin sé að hlýna

Salernis­kortin geta forðað slysum í neyðar­til­fellum

330 milljón króna fram­úr­keyrsla á­stæða af­sagnar

Tesla selur nú fleiri bíla en Porsche

Auglýsing