Innlent

Áslaug Arna leggur til opnari háskóla

Þingmaður Sjálfstæðisflokksins smíðar nú frumvarp um opnari háskóla, þar sem reynsla úr atvinnulífinu og fjölbreytt þekking yrði metin til inngöngu. ,,Yrðu ekki eins bundnir af tilteknum prófgráðum umsækjenda.”

Áslaug Arna Sigurbjörnsdóttir vinnur að nýju frumvarpi. Fréttablaðið/Ernir

Ás­laug Arna Sigur­björns­dóttir, þing­maður Sjálf­stæðis­flokksins, vill að há­skólar fái aukið svig­rúm til að inn­rita nem­endur. Há­skólunum sjálfum sé best treystandi til að meta hvort um­sækj­endur hafi nægi­lega þekkingu eða reynslu til að setjast á skóla­bekk, hvort sem við­komandi hafi til­tekna próf­gráðu eða ekki. 

„Í stað þess að um­sækj­endur með stúdents­próf hafi for­gang inn í hér­lenda há­skóla ættu há­skólar að meta til jafns aðra þekkingu og reynslu um­sækj­enda, til dæmis úr at­vinnu­lífinu,” segir Ás­laug. 

Ás­laug hyggst leggja fram frum­varp eftir að þing kemur saman á ný í lok janúar. „Það er verið að skoða það að koma á lag­girnar fag­há­skóla­stigi sem kæmi þá mögu­lega til móts við þessar þarfir. Þar til því hefur verið lokið tel ég rétt að leggja fram þessa breytingu til að auka sveigjan­leika kerfisins og auka svig­rúm há­skólanna til að taka inn fjöl­breyttari nem­enda­hóp,” segir hún. 

Níu þing­menn Sjálf­stæðis­flokksins lögðu fram frum­varp síðasta haust til að jafna stöðu sveins­prófs og stúdents­prófs þegar kæmi að inn­ritun í há­skóla. Ás­laug var fyrsti flutnings­maður frum­varpsins og segist hafa fengið afar já­kvæð við­brögð. Nýja frum­varpið gangi lengra og sé eins konar við­bót við það fyrra. 

„Í of mörgum til­fellum þá er fólki sem á erindi í há­skóla­nám gert of erfitt fyrir að komast að. Með þessu frum­varpi þá væri það á­fram há­skólanna að setja inn­töku­skil­yrðin en þeir yrðu þá ekki eins bundnir af til­teknum próf­gráðum um­sækj­enda og fengju aukið svig­rúm til að taka inn hæfa og góða nem­endur með ó­líkan bak­grunn,“ segir Ás­laug og bætir við:

„Einn helsti á­vinningurinn af þessu er að breyta við­horfi fólks gagn­vart iðn­námi eða annarri reynslu og þekkingu sem margir á­vinna sér á vinnu­markaði eða í öðrum störfum. Við megum ekki loka fyrir tæki­færi fram­tíðarinnar með því að sníða fólkið eftir kerfinu, heldur á kerfið að vera sniðið að fólkinu.“ 

Athugasemdir

Auglýsing
Auglýsing

Tengdar fréttir

Innlent

70 missa vinnuna fyrir árslok

Innlent

Tunglið verður almyrkvað í nótt

Innlent

Stormur á Suðvesturlandi í kvöld

Auglýsing

Nýjast

Drottningin og prinsinn beltislaus undir stýri

Stökk út um glugga undan eldtungum: Tveir látnir

Hálka á öllum stofn­brautum á höfuð­borgar­svæðinu

„Allar fangageymslur fullar eftir nóttina“

Mála­miðlunar­til­lögum Trumps hafnað af Demó­krötum

Enginn afsláttur fyrir prinsinn

Auglýsing