Á­tján ára piltur í Texas skaut ní­tján nem­endur og tvo kennara til bana í barna­skóla í borginni Uvald­e í gær. Á­rásin er sú mann­skæðasta í Banda­ríkjunum frá árinu 2012 þegar Adam Lanza skaut 26 manns til bana í Sandy Hook-skólanum í Connecticut.

Á­rásin átti sér stað í Robb-barna­skólanum í Uvald­e en þar stunda nem­endur á aldrinum sjö til tíu ára nám. Grunur leikur á að á­rásar­maðurinn hafi skotið ömmu sína áður en hann fór í skólann og skaut á nem­endur og starfs­fólk. Hann var síðan sjálfur skotinn til bana.

Í frétt BBC er haft eftir Greg Ab­bott, ríkis­stjóra Texas, að á­rásar­maðurinn, Salvador Ramos, hafi komið akandi að skólanum áður en hann réðst inn í hann, grár fyrir járnum, klæddur í sérstakan hlífðarbúnað og hóf skothríð. Frétta­miðlar vestan­hafs greina frá því að Salvador hafi verið nemandi í skóla í ná­grenninu.

Uvald­e er skammt frá landa­mærum Mexíkó og í frétt BBC segir að landa­mæra­verðir hafi verið fyrstir á vett­vang á­rásarinnar. Tveir þeirra voru skotnir af piltinum á meðan þeim þriðja tókst að skjóta hann til bana. Líðan landa­mæra­varðanna sem voru skotnir er sögð stöðug. 66 ára kona og tíu ára stúlka liggja þungt haldin á sjúkra­húsi í San Antonio.

Joe Biden Banda­ríkja­for­seti tjáði sig um á­rásina í gær­kvöldi og lagði til að flaggað yrði í hálfa stöng í dag vegna á­rásarinnar. Hann kallaði eftir því að nú yrði að gera breytingar á skot­vopna­lög­gjöfinni í Banda­ríkjunum, en á­rásir sem þessar hafa verið mjög tíðar undan­farin misseri. Sagðist Biden vera orðinn mjög þreyttur á þessari stöðugu um­ræðu, nú þyrfti að grípa til að­gerða.

Forsíða Mail Online, vefútgáfu Daily Mail, í morgun sýnir meðal annars þau sem létust í voðaverkinu.