Hluti af Álf­hóls­skóla í Kópa­vogi verður lokað frá og með fimmtu­deginum 4.mars vegna myglu sem greinst hefur í þaki byggingarinnar. Um er að ræða var­úðar­ráð­stöfun sem gerð er til að vernda nem­endur og starfs­fólk, segir í til­kynningu frá Kópa­vogs­bæ.

Álman sem um ræðir hýsir meðal annars stofur fyrir list- og verk­greinar auk sér­kennslu­stofa og nær yfir um fjórðung Álf­hóls­skóla, Hjalla, eða 1.130 fer­metra. Í Hjalla eru 5. til 10. bekkur skólans, alls um 400 nem­endur.

Myglan upp­götvaðist í kjöl­far þess að starfs­maður skólans fór að finna fyrir ein­kennum sem fylgja raka- og myglu­skemmdum. Verið er að rann­saka hvort myglan hafi náð að hafa á­hrif á loft­gæði í kennslu­stofum en ekki er talið að um svipaðar að­stæður sé að ræða í öðrum álmum skólans þar sem þak­upp­bygging er ólík.

Unnið er að endur­skipu­lagningu kennslunnar en sam­kvæmt skóla­yfir­völdum Álf­hóls­skóla verður öllum nem­endum tryggð kennsla.