Almannavarnadeild ríkislögreglustjóra og embætti landlæknis boða til upplýsingafundar á morgun klukkan 11:00, þriðjudaginn 27. júlí. Þetta kemur fram í tilkynningu til fjölmiðla.

Þórólfur Guðnason sóttvarnalæknir verður ekki á fundinum á morgun heldur fara Kamilla S. Jósefsdóttir staðgengill sóttvarnalæknis, Alma D. Möller landlæknir og Víðir Reynisson yfirlögregluþjónn almannavarna yfir stöðu mála.

Þá kemur fram í tilkynningu að einnig verði uupplýsingafundur um stöðu mála næsta fimmtudag.