Hiti nær allt að á­tján gráðum á Norð­austur­landi í dag en spáð er átta til á­tján gráðu hita á landinu öllu. Þá verður þurrt lengst af norð­austan­til en skýjað með köflum og skúrir einkum sunnan- og vestan­lands. Suð­læg átt yfir landinu með þremur til tíu metrum á sekúndu. Þetta kemur fram hjá Veðurstofu Íslands.

Veður verður með svipuðu móti á morgun, fimmtu­dag, en breytist svo á föstu­daginn, 17. júní. Þá tekur aust­læg átt við með fimm til tíu metrum á sekúndu og rigning með köflum, einkum sunnan­lands. Seinni partinn snýst í norð­læga átt og helst yfir á laugar­dag. Hiti átta til fjór­tán stig.

Vindur nær allt að þrettán metrum á sekúndu á laugar­daginn og rignir austan­lands. Ei­lítið hlýrra loft, níu til sex­tán stig. Hækkar á sunnu­daginn þar sem getur aftur farið í á­tján stiga hita á Austur­landi. Þá kemur suð­vestan­átt og verður bjart að mestu. Skýjað og þurrt á vestan­verðu landinu og smá væta um kvöldið.

Eftir helgi tekur við vest­læg átt og verður smá væta víða og hiti milli tíu og á­tján stig, hlýjast á Suður­landi.