Innlent

Á­kærður fyrir skútu­stuldinn á Ísa­firði

​Lögreglan á Vestfjörðum hefur gefið út ákæru á hendur manni á fimmtugsaldri í tengslum stuldinn á seglskútunni Inook við Ísafjarðarhöfn um miðjan síðasta mánuð.

Skútan lá við Ísafjarðarhöfn þegar henni var stolið að kvöldi 13. október síðastliðins. Fréttablaðið/Pjetur

Lögreglan á Vestfjörðum hefur gefið út ákæru á hendur erlendum karlmanni á fimmtugsaldri í tengslum stuldinn á seglskútunni Inook við Ísafjarðarhöfn um miðjan síðasta mánuð. Það staðfestir fulltrúi lögreglunnar fyrir vestan í samtali við Fréttablaðið en RÚV greindi fyrst frá.

Í ákærunni segir að skútan sé verðmetin á um 750 þúsund evrur, jafnvirði rúmlega 100 milljóna króna. Skútunni var stolið að kvöldi 13. október en stuldurinn uppgötvaðist daginn eftir. Þá hóf lögregla eftirför með aðstoð Landhelgisgæslunnar. Skútan fannst að lokum norðvestur af Snæfellsnesi og var hinum ákærða gert að sigla henni til hafnar á Rifi sama dag.

Þingfesting málsins fer fram í héraðsdómi Vestfjarða mánudaginn 12. nóvember og verður þá farið fram á áframhaldandi farbann yfir manninum sem er að öðru leyti frjáls ferða sinna innanlands.

Athugasemdir

Auglýsing
Auglýsing

Tengdar fréttir

Innlent

Íbúar koma grindverki úti á götu til varnar

Innlent

„Eigna­tjón og til­finninga­tjón sem gleymist seint“

Innlent

Þurfa ekki að færa bústaðinn og greiða lambs­verð í leigu

Auglýsing

Nýjast

May brýnir klærnar en er í þröngri stöðu

Hæstiréttur klofnaði í bótamáli

Róhingjar verði ekki neyddir aftur til Myanmar

Nýr Kia e-Soul frumsýndur í LA

Æðakerfið í Tungná

Hæstiréttur lækkar bætur Snorra í Betel

Auglýsing